_________________________ALMA JOENSEN

ein eldsnögg og ómöguleg

2008-09-27T11:20:00.001-07:00

Ég keypti mér myndavél í Zurich...

Ég og Beggó "going wine", með 10 Evru vínglösin okkar í poka um hálsinn eins og alvöru drykkfelldar dömur

skál skál skál, saha!, darviseks, ultraseks og allt það

að hoppa við ljúfa tóna Alma Jazz 2008 (Beggó var ekki í stuði til að hoppa þannig að hún ákvað að hanga í lausu lofti)

að dansa við ljúfa tóna Alma Jazz 2008

Meira að segja í Bologna eru Hattifattar

Hitti elsku Tobbu eina kvöldstund í Osló. Drukkum rauðvín, það var gaman.

Beggó Bolognese að leika kráku

Ég að elska lífið í Bologna

VÁÁÁÁ hvað við erum fínar

Vínsmökkun á götum Bologna.. yndifyndibyndislegt

Svona líður mér stundum eftir að ég byrjaði í stjórn ESU

Ég og duglegu strákarnir í tilgangslausu vinnunni, fyrir framan höll norsku konungshjónanna

ég og tvær moskítóflugur að leika okkur í japanska tegarðinum á hótelinu mínu í Sofiu

Elsku besta Helga heldur í mér lífinu þegar ég á annað borð (ekki borðið á myndinni, heldur annað borð) er stödd í Köben

Sofia, Búlgaríu - hrikaleg borg. Get ekki beðið eftir að koma aftur í nóvember og dvelja þar í heila viku, úff.

Ég hef frá fáránlega mörgu að segja. Ef ég bara hefði tíma til að skrifa það. Í staðinn læt ég flakka nokkrar innihaldslausar staðreyndir sem fljóta efst í huga mínum.

Í fyrsta lagi er gengið að FOKKA MÉR UPP! Vissir þú að danska krónan er 19 íslenskar?? Nítján fokking krónur!! Þetta er sko ekkert grín, þegar maður er með innkomu í íslenskum krónum. Sjáið bara:

- í strætó/metró kostar 20 kr. sem eru 380 ISK

- brauð í nettó kostar 15 kr. sem eru 280 ISK

- arabapítsan á horninu kostar 55 kr. (spottprís miðað við danska pítsusala) sem eru 1.045 ISK

- kaffibolli kostar yfir 400 kr. ISK, bjór á bar kostar 600-800 ISK, bragðlaust uppáhellt kaffi í skólanum mínum kostar 110 ISK

Það er ódýrara að versla í 10-11 en í Netto ef maður á bara íslenskar skítakrónur!!! arrrrrrrrrrrrrgh. "Stúdentar erlendis, sameinumst!!! (og gerum hvað ég bara spyr...... Garðar getur þú ekki reddað þessu?)

Bologna var stórkostleg. Þá ber helst að nefna vínsmökkunina "go wine" á götum Bologna, Alma Jazz festivalið, fólkið sem var að mótmæla ráðstefnunni og stórfenglega frammistöðu Beggó þegar hún hélt ræðu fyrir framan merkustu ráðamenn evrópskra háskóla og meðlimi Evrópuráðsins (meiri karlaklúbburinn), og sagði meðal annars: "...Tuition fees, where education is a product like breakfast cerial, students are customers and Universities are supermarkets..". Í elstu byggingu Alma Mater Studorium háskólans í Bologna heyrðist "GASP!", lítil Alma tísti "jeeeee, you go girl!".

Vínsmökkunin GO WINE var fabjúlos. Það var búið að leggja heila götu undir borð af vínflöskum og við þau stóð víngerðarfólk að gefa smakk af sínum bestu vínum, frá ótal löndum í Evrópu. Við keyptum vínglas á 10 evrur, fengum poka um hálsinn til að geyma glasið í, og gengum svo á milli borða og létum hella í okkur í nokkra klukkutíma.

Þarna var líka jazzhátíðin Alma Jazz 2008 á öllum götuhornum. Aulinn ég sagði við alla "Hey, it's my jazz festival, jú nó, Alma Jazz, jú nó... I brought my sax!!".... Enginn fattaði að sax væri stytting á saxophone, þannig að eftir nokkur skipti tók Beggó fyrir það að ég segði þetta oftar. En það er allt í góðu á milli okkar núna, ég kastaði henni á hraðbanka seinna um kvöldið.

Fyrir alla þá sem skrá ferðir mínar í dagbókina sína (þ.e.a.s. mamma, pabbi, Helga..):

Finnland á morgun, tveir ótengdir fundir í einu höggi, kem heim hinn.

Brussel á stórmerkan ESB fund á miðvikudag, kem heim fimmtudag.

Á föstudaginn hefst fundur í Köben og fullt af góðu fólki í heimabyggð minni, þannig að þá ætla ég í paaaaaaartí alla helgina.

(Muna: Sofa út um helgina. zzzzzzzzzzzz)

Á mánudeginum yfirgef ég heimili mitt í eina og hálfa viku (búhú, aumingja námið mitt) en þá fer ég til Lille í Frakklandi (aldrei komið þangað), þaðan til Brussel (heldur betur komið þangað, ullabjakk), og þaðan til Vínarborgar.

Svo fer ég í tíma í þessum blessaða Háskóla!

ferðaplani lokið að sinni.

Fokk hvað er erfitt að hjóla frá heimili mínu á Skovduestien alla leið í Háskólann á Islands brygge. Það er bæði langt þangað, og svo er ég í ömurlegu formi. AulaAlma.

Það býr múslimi fyrir neðan mig, og rétt eftir hádegi byrjar hann að kyrja. Ekkert smá kyrj skal ég segja ykkur. Stórfenglegur söngur, gleður mig mikið. Gleður mig það mikið að ég er að spá í að gerast múslimi, og brenna danska fánann fyrir framan Kristjánsborg. (góðlátt grín)

Það er laugardagskvöld, klukkan er að verða níu og ég sit alein í ísköldum háskólanum. Var að klára fjögurra tíma langan Skype fund, og er að reyna að ákveða hvort ég eigi að undirbúa eins og hálfs tíma fyrirlesturinn sem ég á að halda í Finnlandi á mánudaginn, eða gera það í stresskasti síðar. Ein sorgleg Alma ætlar að gera það síðar.

Evróputúrinn hafinn - Köben, Brussel, Sofia

2008-09-08T13:04:00.000-07:00

Fyrst ég er fjarri fjölskyldu og vinum, ætla ég að byrja að blogga aftur, sem mun vonandi kæta þessar þrjár til fimm manneskjur sem nenna að lesa bloggið mitt.

Köben

Evróputúrinn hófst 3. september, en þá hugðist ég flytja til Kaupmannahafnar. Ég átti að halda áfram til Brussel sama kvöld og hafði 6 klst til að ná í lykilinn að íbúðinni minni, finna hana, henda farangrinum inn um dyrnar og koma mér aftur upp á flugvöll.... eeeeeeeeeeeen þegar ég mætti á flugvöllinn um kvöldið kom í ljós að bókunarfyrirtæki ESU hafði bókað flug degi of seint. Ég beið og beið eftir að ESU fólkið í Brussel myndi redda málunum, sem endaði með hóteli í Amager og flugi daginn eftir. Á leiðinni á hótelið var skollinn á regnstormur með þrumum, eldingum og öllu tilheyrandi, með þeim afleiðingum að metróinn sem ég var í stoppaði skyndilega og var fastur í klukkutíma. Loks var ég kominn á áfangastað og ætlaði að taka lyftuna upp úr metróstöðinni. Þegar lyftan opnaðist stóð þar dauðadrukkinn ælandi Grænlendingur, þannig að ég rogaðist með töskuna upp tröppurnar í þúsundasta skiptið þennan daginn. Ég mætti á hótelið blaut í gegn, fór að sofa og var mætt í flugið nokkrum tímum síðar. Loksins var ég komin til Brussel, en að sjálfsögðu týndi SAS töskunni minni á leiðinni. Litla greyið Alma mætti því allslaus í ESU íbúðina, í tæka tíð fyrir morgunmat. Ég ætla að vera leim og segja: fall er fararheill.

Brussel

Ég var á fundi með stjórn ESU í þrjá daga....og já....ætla ekki að drepa neinn úr leiðindum með því að fara nánar út í það. Á laugardagskvöldið ákváðum við Olav, norski félagi minn í stjórninni, að yfirgefa ESU íbúðina einu sinni og kíkja út í nokkra bjóra. Við röltum í átt að miðbænum og komum loks á lifandi stað. Þar sáum við bar sem var troðfullur af fólki og hugðumst fara inn. Þegar ég leit inn, sá ég að þarna inni voru um 150 menn og ekki ein einasta kona. Við ákváðum því að halda lengra. Á næsta horni var annar bar, en hann var líka troðfullur af mönnum og engin kona sjáanleg. Við ákváðum að halda enn lengra....og lengra...og lengra. Eftir 25 mínútur vorum við búin að sjá um það bil 5.000 menn og ekki eina einustu konu. Göturnar voru fullar af mönnum og allir barir fullir út úr dyrum. Þetta var orðið meira en lítið fáránlegt, þannig að Olav stoppaði mann á götunni og spurði af hverju í ósköpunum það væru svona margir menn á götunni og engar konur. Hann sagði okkur að í dag væri Ramadan, hátíðisdagur Múslima, og því væru allir úti að fagna. Konurnar væru aftur á móti heima, af því að... tja... þær eiga að vera þar.

Búlgaría

Í gærmorgun lenti ég í Sofiu, þar sem ég er nú, en ég er hérna til að skipuleggja og skoða aðstöðu fyrir aðalfund ESU sem verður haldinn hérna í lok nóvember. Að sjálfsögðu týndist taskan mín, en hún gleymdist í Sviss. Tveir gaurar frá Búlgörsku stúdentasamtökunum biðu eftir okkur fyrir utan, en þetta eru svona týpískir "ég reddessu" gaurar, sem geta reddað hverju sem er hvenær sem er, án frekari útskýringa. Ég fékk þá til að keyra mig í verslunarmiðstöð svo ég gæti keypt mér tannbursta og fundið einhver föt til að vera í á fundi með menntamálaráðherra Búlgaríu daginn eftir. Þetta reyndist erfiðasta verslunarferð í sögu fatakaupa minna, því það eina sem var í boði voru snípstutt leðurpils, bleikir gegnsæir hlírabolir sem á stóð "babe", og loðstígvél... ég lagði ekki í það, og ákvað að það væri nú skömminni skárra að vera í skítugu ferðafötunum.

..meira Búlgaríugrín síðar.

hipp hipp

2008-05-13T07:16:00.001-07:00

Um helgina var ég í Slóvakíu, og var kosin í framkvæmdastjórn European Students' Union... sem þýðir að ég er nú fulltrúi 11 milljóna stúdenta í Evrópu, amazing.

Ég er að flytja til Köben í haust (færa mig yfir á meginlandið), verð með annan fótinn þar að læra kynjafræði, þrjár tær í Brussel (á skrifstofu ESU) og tvær tær flakkandi á milli annarra ríkja Evrópu.

Þetta verður aðeins of rosalegt!

Sló sló slóvakía!

2008-05-04T06:18:00.000-07:00

Það er í tísku að halda fundi í sveitum Austur-Evrópu. Á morgun er ég að fara til Brusno, fjallaþorps í Slóvakíu.

Þetta er aðalfundur ESU, og er sérstaklega spennandi núna þar sem ég er í framboði til framkvæmdastjórnar.... spennandi.

Ég er líka að stýra vinnustofu sem heitir Affirmative action as a tool to fight inequalities... spennandi?

Ég ætla líka að drekka traditional slovakian vodka with blueberries með Hrönn og Beggó, og svo ætlum við allar í sleik (ekki hver við aðra, heldur allar í sitthvoru lagi).

Brusno!

Chessboxing

2008-05-01T17:08:00.000-07:00

Þetta er það fáránlegasta sem ég hef séð!! Þetta er íþrótt sem heitir chessboxing, og gengur út á það að keppendurnir byrja á því að boxa og tefla svo eina skák strax á eftir...

Já og til hamingju með 1.maí!

Niður með kapítalismann!

The hills are alive....

2008-04-28T07:00:00.000-07:00

Slóvenía var ótrúleg. Fyrstu þrjá dagana hékk ég inni á hóteli að fylgjast fyrirlestrum og taka þátt í vinnustofum um European Qualification Framework...zzzzzzzz...(ekki hætta að lesa færsluna hér, lofa að tala ekki meira um þetta).

Ég var einum degi lengur í Lake Bled en allir aðrir, af því að flugmiðinn til Íslands var svo dýr á miðvikudeginum... alltaf sama sagan. Ég átti því einn heilan frídag í þessari paradís. Ég ákvað að fara út og njóta náttúrunnar og fékk því lánað reiðhjól á hótelinu. Ég hjólaði upp hæðina og var allt í einu komi í ótrúlegt landslag, grænar hæðir og hólar, fjöll þakin trjám og austurísku alparnir í bakgrunni (járntjaldið... mér stafaði svolítill uggur af því). Þetta var alveg eins og að vera stödd í Sound of music.

Ég hjólaði og hjólaði í sveitinni framhjá ótal litlum sveitaþorpum og geitum. Þarna var ég orðin ansi þyrst og fór að litast um eftir lítilli verslun eða bensínstöð til að kaupa vatn, en ekkert bólaði á þeim. Loks sé ég eldgamalt skilti með mynd af brauði, köku og ör sem benti til hægri. "Bakarí" hugsaði ég, og hjólaði inn stíginn. Þarna sá ég ekkert sem minnti á neina verslun, enda var ég alveg komin upp að einum sveitabænum.

Þá heyri ég hrópað á mig, og til mín gengur fjörgamall, tannlaus Slóveni og þrjár geitur með rauðar bjöllur um hálsinn vappandi á eftir. Hann tekur mér fagnandi og æpir eitthvað á slóvensku. Ég segi "english" og hann segir "no" og heldur áfram að æpa á slóvensku og benda hingað og þangað. Hann tekur af mér hjólið og leggur það upp að girðingunni og segir mér með handapati að fylgja sér. Við göngum í átt að húsinu og hann byrjar aftur að hrópa. Þá heyri ég skræka rödd hrópa á móti innan úr húsinu, og út kemur gömul, bústin, tannlaus kona með bros út að eyrum. Hún tekur mér fagnandi, gengur að mér og faðmar mig.

Þarna var ég orðin heldur stressuð og leið svolítið óþægilega, enda þótti mér þetta aðeins of fjarri veruleikanum. Hún lætur mig setjast niður og þau æpa og hrópa og benda hingað og þangað upp í fjöllin, á næstu hús og skella svo upp úr inn á milli. Ég bara brosi og fylgist með og hlæ þegar þau hlæja. Svo fer konan inn og kemur stuttu seinna út aftur með brauð og mjólk, sem ég þykist vita að hafi verið geitamjólk því hún var skrítin á bragðið. Ég drakk mjólkina með herkjum og kláraði brauðið sem var afskaplega ljúffengt. Þau héldu áfram að segja mér sögur af fjöllunum, húsunum í kring og nágrönnunum (eins og ég best veit, kannski voru þau að tala um kommúnismann og Tító..). Svo þegar ég fór kvöddu þau mig bæði með kossi og faðmlagi og veifuðu mér þegar ég hjólaði í burtu.

Ég hjólaði áfram meðfram vatninu, alveg þar til ég var komin aftur í nágrenni við hótelið. Þar fann ég matvörubúð og keypti mér rauðvín, osta, kex og súkkulaði (it costed shit and cinnamon!), kom mér vel fyrir á svölunum á hótelherberginu, opnaði tölvuna og var þar með mætt á msn fund.

Yndislegur dagur.

Sjáið bara, nánast alveg eins!

Þetta var sumarbústaðurinn hans Tito

GLEÐILEGT SUMAR

2008-04-23T22:01:00.000-07:00

...sem er samt ekkert komið í alvöru.

Ég vona að þú eigir yndislegt sumar blóma, sápukúlna, kjóla, hjóla, sólar og snú snú banda.

Slóvenía

2008-04-22T03:10:00.000-07:00

Er á fundi í Slóveníu. Á bjútífúl stað sem heitir Lake Bled.....

bjúúúúútífúl. Nammi namm.

Ég kom seint á sunnudagskvöldið í svartamyrkri og tók því ekki eftir fjöllunum og bláa vatninu. Svo vaknaði ég næsta morgun, með sólina í augunum og fór út á svalir. Fékk væga fullnægingu þegar ég sá útsýnið.

Lærum af mistökum annarra

2008-04-17T16:32:00.000-07:00

Síðustu daga hefur umræðan um upptöku skólagjalda í opinberum háskólum verið áberandi, í fjölmiðlum og á bloggsíðum samfélagsspekúlanta. Á forsíðu Fréttablaðsins, 13.apríl síðastliðinn, var vitnað í Sigurð Kára Kristjánsson, formann Menntamálanefndar Alþingis, sem sagði að upptaka skólagjalda við opinbera háskóla væri aðeins tímaspursmál. Er upptaka skólagjalda það óumflýjanleg að hún sé talin tímaspursmál? Það er rétt að samkeppnisstaða háskólanna er skökk og að opinberir háskólar þurfa aukið fjármagn til að geta setið við sama borð, en af hverju í ósköpunum liggur það beinast við að stúdentar axli ábyrgð á fjárhagsvanda opinberra háskóla? Ætti það ekki frekar að vera ríkið?

Það býr vissulega eitthvað annað að baki. Skólagjaldasinnar hafa þulið upp rök fyrir því hvernig upptaka skólagjalda muni umturna háskólasamfélaginu á þann veg að eftir nokkur ár munu hér vera miklu betri háskólar, sem bjóða upp á miklu betra nám og útskrifa miklu klárari nemendur. Samkvæmt þeim eiga skólagjöld því ekki aðeins að leysa fjárhagsvandann heldur einnig að bæta háskólasamfélagið til muna. Þeir segja að upptaka skólagjalda komi til með að auka afköst stúdenta í námi, séu aukin hvatning við stúdenta, auka skilvirkni háskóla og gæði náms. Þeir sem eru á móti upptöku skólagjalda hafa aftur á móti bent á það að þau skerði jafnrétti til náms og aðgang að menntun, stýri námsvali einstaklinga, og dragi úr gæðum náms.

Hver hefur rétt fyrir sér?

Á síðustu árum hafa skólagjöld verið tekin upp víða í Evrópu og hefur upptaka þeirra alls staðar verið reist á sömu rökum og heyrast hátt í íslensku þjóðfélagi í dag. Undir lok síðasta árs var gerð könnun meðal landsamtaka stúdenta allra ríkja Evrópu þar sem viðhorf til skólagjalda og áhrifa þeirra var kannað. Þar kom í ljós að 92% stúdentahreyfinga telja upptöku skólagjalda skerða aðgang að menntun, 87% telja þau hafa slæm áhrif á félagslega stöðu stúdenta, og 74% telja þau hafa áhrif á námsval einstaklinga. Í þeim löndum sem tekið hafa upp skólagjöld, fullyrða stúdentahreyfingar að skólagjöld séu aðeins enn einn steinn í götu þeirra sem mæta misrétti í háskólakerfinu eða búa við slæmar félags- og efnahagslegar aðstæður. Þeir örfáu úr þessum hóp, sem þrátt fyrir slagandi áhrif skólagjalda skrá sig í háskóla, byggja námsval sitt nú nær undantekningarlaust á arðbærni námsins en ekki á áhuga eða hæfileikum.

Með þessu dæmi getum við hafnað þeim rökum skólagjaldasinna að skólagjöld séu aukin hvatning fyrir stúdenta. Skólagjöld hvorki bæta frammistöðu stúdenta, né auka skilvirkni háskólakerfisins, heldur setja þau aukna pressu á stúdenta að klára námið sitt á eins stuttum tíma og mögulegt er. Fjárhagslegar hömlur þrengja að stúdentum og þvinga þá ekki aðeins til að vinna með námi heldur einnig að klára það á „réttum“ tíma. Þetta verður til þess að stúdentar ná ekki þeim árangri sem þeir vilja ná og að háskólarnir útskrifa ekki nemendur með jafnháar einkunnir og áður, nema þeir auðvitað dragi úr hæfniskröfunum og þar með minnki gæði náms.

Það er pís of keik að taka lán!

Það gera sér allir grein fyrir því að skólagjöld skerða jafnrétti til náms, enda hafa ekki allir efni á því að greiða skólagjöld. Skólagjaldasinnar telja lausnina við þessum vanda vera einfalda: að lána fyrir skólagjöldum. Lán þarf samt að borga til baka, og lán krefjast þess að þú sért með ábyrgðarmann. Stúdentahreyfingar í Evrópu hafa allar fullyrt það að þau lán og styrkir sem standa stúdentum til boða dugi ekki bæði fyrir skólagjöldum og framfærslukostnaði. Auk þess hafa skólagjöld dregið verulega úr því að fólk sæki sér menntun síðar á lífsleiðinni, en það forðast að bæta mánaðarlegum afborgunum skólagjaldalána við afborganir húsnæðislána, bílakaupalána og tölvukaupalána. Það er því nokkuð ljóst að lán fyrir skólagjöldum munu aldrei koma í veg fyrir það að jafnrétti til náms skerðist.

Við erum ekki ein í heiminum

Það er ekki eins og við séum eina þjóðin í heiminum sem hefur velt fyrir sér upptöku skólagjalda. Stöldrum aðeins við áður en við dembum okkur út í óvissuna, sem er kannski ekkert svo óviss eftir allt saman? Nei, það eina sem við þurfum að gera er að læra af mistökum annarra.

Heimild:

European Students’ Union. 2008: Lisbon With Students Eyes.

Þessi grein birtist á vefritid.is 17.apríl 2008.

krot krot

2008-04-13T07:10:00.000-07:00

Í gærmorgun vaknaði ég eftir mikið djamm og skrall og rak augun í hendurnar á mér sem voru, mér til mikillar furðu, útkrotaðar. Inni í öðrum lófanum stóð "B.A. í sleik" skrifað með svörtum og rauðum tússpenna, og í hinum stóð "ég er ýkt góð í sleik 1" (1 var sem sagt vísun í heimild), auk þess sem búið var að teikna vöðvatröll á handlegginn á mér. Þegar ég vaknaði var þetta búið að smitast yfir á andlitið á mér, sængina og fínu hvítu tölvuna mína, sem ég hafði kíkt aðeins í þegar ég kom heim. En.. ég náði þessu ekki af höndunum á mér, og ber ennþá leifar þessa gríns.

Þórunn Elísabet Bogadóttir

2008-03-31T16:32:00.000-07:00

Finndu fimm villur:

Hattifattar

2008-03-10T15:03:00.000-07:00

Frá og með deginum í dag er ég ekki lengur framkvæmdastjóri.

Ein óbreytt Alma.

Þarf þá líklegast að breyta þessu í símaskránni í eitthvað svipað og þetta.

(Kannski breyti ég þessu í: Alma Joensen - Hattifatti)

Nú get ég varla sætt mig við neitt annað en að vera framkvæmdastjóri, það gengur ekki að ég lækki í tign með árunum. Þannig að ef þið vitið um einhverja lausa framkvæmdastjórastöðu þá endilega leggið inn gott orð. Hver vill ekki fá kvenkyns, vinstrisinnaðan talíbanafemínista í framkvæmdastjórastól í einkarekna fyrirtækinu sínu? Maður spyr sig.

Ef það bregst, þá bý ég enn yfir mínum stórfenglegu ms paint hæfileikum.

Tékkið á þessu tryllta partíi sem ég var í á föstudaginn. Það ætlaði allt um koll að keyra þegar vinir okkar úr Vatnsmýrinni mættu í fylkingu!

Hattifattar í glasi - kátir í fasi

Ég er farin til Slóveníu í sleik!

bless í bili

Rödd stúdenta

2008-01-21T16:43:00.000-08:00

Kosningar til Stúdentaráðs vei vei. Röskva kynnti framboðslistann sinn á föstudaginn. Hér er listaplagatið

Við gætum tekið þetta á FABINU einu saman..........

obbosí

2008-01-20T16:40:00.000-08:00

Kæru stúdentar, örvæntið.

Þessi situr í Stúdentaráði.

Engin skólagjöld? Hærri námslán? Jafnrétti til náms?

Gleðilegt ár

2008-01-01T09:40:00.000-08:00

Gleðilegt ár kæru vinir, og takk fyrir allt gamalt og gott!

2007 var fantagott ár! Mér finnst það hafa liðið óvenju hratt, enda hefur margt skemmtilegt gerst.

-Í byrjun árs endurheimti Röskva meirihluta í Stúdentaráði, en það eru klárlega gleðifréttir ársins.
-Í mars gaf ég skít í námið og tók við stöðu Framkvæmdastjóra Stúdentaráðs.
-Ég fór til Tallin í apríl og upplifði alvöru óeirðir. Táragas og allur pakkinn. Þeirri ferð mun ég seint gleyma. Samt svolítið svekkt yfir að hafa ekki fengið að fara inn í gamla bæinn sem er víst fabjúlos. Geri það næst.
-Í maí bauð ég mig fram í nefnd innan European Students' Union og hlaut kosningu. Húrra!
-Fór til London á aðalfund ESU og heimsótti Dísu og Antoine í leiðinni.
-Fór til Litháen í júlí, og aftur í nóvember. fyrri ferðin var töluvert betri enda tími þá til að sjá eitthvað annað en hótel og ráðstefnusali. Seinni ferðin var vægast sagt geðveiki. Er enn að jafna mig.
-Ég og LÍN-krúttið tókum yfir Grundarstíginn í sumar, á meðan Halla var í Ástralíu í sleik. Þar náði vinátta okkar nýjum hæðum, ég kynntist tryllingi krúttsins og hamingju heimsins.
-Fór til Berlínar fyrir hönd ESU á ráðstefnu heimssamtaka kennara, sem var nokkuð magnað. Þar kynntist ég toppunum í háskólageira OECD og Unesco, og hitti forseta Þýskalands. Í Berlín mun ég búa.
-Í ágúst var mér boðið að koma til Færeyja fyrir hönd Stúdentaráðs, að taka þátt í pallborðsumræðu á Færeyja Gay Pride. Þá sá ég Færeyjar og Færeyinga í nýju ljósi.
-Fór á ráðstefnu á Kýpur fyrir hönd ESU, þar sem ég fékk að baða mig í sólinni í september, hélt ræðu fyrir ríkisstjórn Kýpur, og fór í viðtal við sjónvarpið sem talsetti mig á grísku. Það var fyndið.
-Fór til Lissabon á European Students' Convention. Þar synti ég í Atlantshafinu í lok október og baðaði mig í sólinni í steikjandi hita. Þar er hnatthlýnun í hámarki. Var líka stungin svo illa af moskítóflugu að handleggurinn þrefaldaðist. Það var ekki gaman.
-Fór til Málaga í nóvember fyrir hönd ESU á annan fund með heimssamtökum kennara. Síminn minn er enn í Málaga, litla greyið.
-Síðasta ferðin mín 2007 var í desember þegar ég fór til Bergen sem er fab borg. Þar vil ég búa, þrátt fyrir alla rigninguna. Hitti samt hvorki Erlend Oye né Annie. Hitti þau næst.

BEST of 2007:
-Skrifstofan: Lín-krúttið, Foringinn og Alli bé ritstjóri. Árshátíðin, Hausthátíðin og jólaglöggið.
-Frábær frammistaða mín og annarra meðlima single&fab
-Fullt fullt fullt af nýjum alþjóðlegum vinum
-Tónleikar, partí og gott grín með gömlu góðu vinunum
-Hrönn, Sissa og Sigrún sem stórbættu fimm af ferðum ársins

Árið 2008 verður vonandi enn betra. Þá mun ég eignast nýja sambýliskonu, hana Sissu, en við ætlum að leggja drögin að heimsyfirráðum. Ég fer til Brussel eftir rúma viku, Slóveníu í mars, Úkraínu í apríl og Slóvakíu í maí. Já og svo ætla ég að hætta að gefa skít í námið....

jólagjafir?

2007-12-19T14:14:00.000-08:00

Ég mæli sérstaklega með þessum jólagjöfum fyrir vini og vandamenn, og jafnvel í skóinn:

- Ævisaga Óttars Martins Norðfjörð eftir Bryndísi Björgvinsdóttur
- Ljóðabókin Blótgælur eftir Kristínu Svövu Tómasdóttur
- Sprengjuhöllin, Tímarnir Okkar
- Hjaltalín, Sleepdrunk Seasons

Svo mæli ég með því að fólk hlusti á þetta jólalag

Hó hó hó

Litháen

2007-12-03T07:53:00.001-08:00

53.aðalfundur European Students' Union:

- eftir þennan fund er ESU 49 stúdentahreyfingar frá 38 löndum (13 milljónir stúdenta) eftir að Ísrael og Úkraína fengu aðild. Vei.

- Námskeið um jafnrétti kynjanna í tvo daga, aðalfundur og kosningar í þrjá daga

- hélt ræðu og fyrirlestur um strategíuna mína og stýrði workshoppi um Uppeldi og kyn

- Gender Mainstreaming Strategían mín sem ég er búin að vera að skrifa síðan í maí var samþykkt með meirihluta atkvæða!!!!

- lobbía lobbía lobbía lobbía endalaust dag og nótt

- 25 klst umræða og kosningar um lagabreytingar þökk sé búrókrasíunasistunum frá mið-evrópu

- 5 klst umræða og kosningar um hvort það eigi að reka duglega manneskju úr nefndinni sinni. Sem var svo rekin. Einelti? já.

- Aðalfundurinn 17 klst fyrstu tvo dagana, 21 klst síðasta daginn

- 20 klst svefn á 7 dögum og töluvert mikið stress sem oft var leyst með alls kyns tegundum af austur evrópskum vodka

- enginn tími fyrir sleik nema í lyftum, leigubílum og fatahengjum

- fyrir þá sem ekki borða kjöt: fullur diskur af brokkolíi einn daginn, heit plastkend ostakaka annan daginn, grilluð gúrka og hrísgrjón þriðja daginn og pönnukökur fylltar með eplum og kanil (í aðalrétt ekki eftirrétt) fjórða daginn.

- samt alveg fáránlega gaman.

Litúanía

2007-11-26T07:27:00.000-08:00

Ekki eins og ykkur sé sama, en ég er í Litháen. Aftur.

Á leiðinni frá flugvellinum sá ég margar stórar kommúnískar blokkir sem voru allar nákvæmlega eins (ábyggilega rosa hagkvæmar í byggingu og fjöldaframleiðslu). Svo voru nokkrir skýjaklúfar við hliðina á merktir hinum og þessum stórfyrirtækjum. Á einni byggingunni var RISAstórt skilti sem á stóð ALMA INTELLIGENCE! Fíla það. Litháen er með þetta á hreinu.

ráðfrú?

2007-11-23T11:53:00.000-08:00

Mér finnst að konur ættu áfram að vera ráðherrar, flugmenn og kennarar. Svo framarlega sem menn eru flugfreyjur, fóstrur og hjúkrunarkonur.

tek þetta til baka

2007-11-21T07:45:00.000-08:00

Ókei. Hróður Hlíðanna er í hættu. Sjá hér.

allt að gerast

2007-11-20T13:12:00.000-08:00

Hlíðarnar eru í sókn. Valur Íslandsmeistari í fótbolta karla og kvenna, og Hlíðaskóli sigurvegari Skrekks.

Atrið Hlíðaskóla var femínískt, enda femínisminn líka í sókn.

Allt að gerast.

si si si

2007-11-12T15:45:00.001-08:00

er á Spáni. Það er ókei.

oj

2007-11-09T07:53:00.001-08:00

Súperman.is var að biðja mig um að vera vinur sinn á myspace?!?! Ég sagði DENY.

Ég sem hélt að þessi viðbjóður hefði brunnið með Pravda..

Háskóli Íslands?

2007-11-08T14:45:00.000-08:00

Háskóli Íslands? Nei, þetta er Sapienza Universitá di Roma....Ítalska útgáfan af Aðalbyggingunni.

Jólin komin í annað sæti - Hausthátíð Skrifstofu SHÍ

2007-11-07T07:22:00.000-08:00

"Haustið er nú uppáhaldstími ársins, jólin komin í annað sæti"

-Guðrún Ösp, Faxdeild

"Ég var búinn að gleyma því hvað er gaman í sleik!"

-Raggi Siggi, Rekstrardeild

"Frábærlega vel heppnuð Hausthátíð!"

- Alma, Framkvæmdadeild

"þessi stórglæsilega hátíð á svo sannarlega erindi á forsíðu stúdentablaðsins"

- Atli, Blaðadeild

"Faaaaaaaaaaaaaaaaab hausthátíð!"

- Bjögga Magg, Lánasjóðsdeild

"Ég fagna þessari hausthátíð!"

- Dagný, Forystudeild

Dagskrá Hausthátíðar Skrifstofu Stúdentaráðs 2007

20.00 Mæting á Domo Þingholtsstræti 5 þar sem boðið verður upp á fordrykk. En ekki fara of geist í fordrykkinn því kvöldið er rétt að byrja. Hver vill enda eins og Solla í Símadeild í fyrra sem var farin heim fyrir níu..

20.15 Dagný Ósk Aradóttir, formaður Stúdentaráðs, ávarpar gesti og býður þá velkomna á Hausthátið Skrifstofu Stúdentaráðs.

20.30 Boðið verður upp á fyrsta flokks kvöldverð með öllu tilheyrandi.

21.00 Alma Joensen, framkvæmdastjóri Stúdentaráðs, kynnir fyrsta samkvæmisleik kvöldsins, hinn sprenghlægilega hlutverkaleik. Hver man ekki eftir stórfenglegri frammistöðu Sindra Jóns í Strætókortadeild í fyrra þegar hann þóttist vera burkni allt kvöldið án þess að nokkur sæi í gegnum hann..

21.30 Björg Magnúsdóttir, Lánasjóðsfulltrúi Stúdentaráðs, ávarpar gesti og dregur í hinu æsispennandi happdrætti Hausthátíðarinnar. Hver man ekki eftir hrærivélinni sem Óli Magg í Tölvudeild fór með heim í fyrra. Ath. Happdrættisnúmerin eru á aðgöngumiðanum.

22.30 Starfsmenn yfirgefa Domo, saddir og sælir, og halda til veislu á Njálsgötunni þar sem Paparnir munu leika fyrir dansi og hin mergjaða skrifstofuhljómsveit SHÍ (Stuð Handa Íslendingum) mun kannski láta sjá sig. Hver man ekki eftir því þegar Elsa Smith í Alþjóðadeild tók Orminn í fyrra..

23.00 Atli Bollason, Ritstjóri Stúdentablaðsins, býður gesti velkomna til sinna heimahúsa og heldur stórskemmtilegan fyrirlestur sem ber yfirskriftina „Séns á Sleik? Hver? Hvar? Hvernig?“. Atli hefur ferðast vítt og breitt um landið og flutt fyrirlesturinn við mikinn fögnuð áhorfenda. Heyrst hefur að þessi fyrirlestur hafi komið Fjölni í sleik við Mel B á sínum tíma, þannig að þið sem eruð einhleyp..haldið ykkur fast.

23.30 Starfsmenn skrifstofunnar dansa, drekka og leita uppi sleika langt fram á Rauða nótt.

Í vinnunni á föstudaginn, fengu starfsmenn afhenda dagskrá og aðgöngumiða (sem einnig voru happdrættismiðar) við hátíðlega athöfn á skrifstofunni. Spennan var í sögulegu hámarki eins og sjá má á þessum myndum.
Björg Magnúsdóttir og Atli Bollason á Domo, í þann mund sem Björg var að fara að draga í happdrættinu. Þess má geta að sigurvegarinn var hún sjálf.

Dagný Ósk í Forystudeild, nýkomin á Njálsgötuna og bíður spennt eftir Pöpunum...
Atli Bollason hjá Blaðadeild glottir, því hann þykist vita hversu stórfenglegt partíkvöld hann á í vændum.
Alma Joensen, framkvæmdadeild, var sár yfir bingóúrslitunum langt fram eftir kvöldi. En kættist þó á endanum, öllum til mikillar hamingju.
Björg alsæl með bingóúrslitin.
Þessi fer í jólakortin í ár. Ekki spurning.
Fréttablaðið var á staðnum, og vinnur nú hörðum höndum að tímamótafrétt um Hausthátíðina sem prýða mun heila opnu í laugardagsblaðinu. (Vá hvað Steindór er tanaður!)
Atli flutti vægast sagt frábæran fyrirlestur um sleik og hvernig maður á að næla sér í þá. Hérna sýnir hann viðstöddum hvað ekki á að gera við sleik-targetið. Raggi Siggi hjálpaði Atla með leikrænu tilþrifin og Guðrún Ösp á Faxdeild fylgdist spennt með. Bæði hún og Raggi Siggi lærðu mikið af þessum fyrirlestri.
Loks var stiginn villtur dans og dansað út í rauða nóttina....

Hausthátíð Skrifstofu Stúdentaráðs 2007

2007-11-02T04:25:00.000-07:00

Í kvöld verður haldin hin árlega Hausthátíð Skrifstofu SHÍ. Starfsmenn skrifstofunnar iða í skinninu af tilhlökkun. Hausthátíðarnefnd (þriggja manna nefnd kosin af starfsmönnum skrifstofunnar) hefur unnið hörðum höndum að skipulagningu hátíðarinnar. Mun hún víst verða hin glæsilegasta. Mæting hefur aldrei verið eins góð og nú, en 133% þeirra sem mættu á árshátíðina, hafa skráð sig til leiks. Fjölmargir starfsmenn hafa fullyrt það að hafa aldrei í lífinu skemmt sér eins vel og á árshátíðinni, nema kannski á busaballinu í menntó.

Frá Árshátíð SHÍ 2007. Hér er formaðurinn að stúta einni flösku af Absolut á meðan hinir starfsmennirnir túlka hugarástand hennar:

Í haust hóf nýr starfsmaður störf á skrifstofunni. Hann er í blaðabransanum. Hann heitir Atli og er 15 ára gamall. Áhugamál hans eru sætar stelpur, ræðumennska, dr.Pepper, sætar stelpur, Oreo kex, brjóst og frír bjór (þó honum þyki nú best að drekka vodka í koolaid og sprite).

80's

2007-10-29T15:39:00.000-07:00

Í Lissabon var verið að halda upp á 25 ára afmæli ESU. Að því tilefni var haldið partí þar sem þemað var "party like it's 1982".

Ég, Hrönn og Sissa spáðum nú ekkert mikið í þessu en hentum þó kjólum í töskuna. Svo fyrir ballið hentum við okkur í föt, týndum eitthvað saman, máluðum okkur og túberuðum hárið. Ballið átti að byrja svo seint og fyrst við vorum tilbúnar ákváðum við að skreppa niður í lobby að fá okkur drykk. Við komum út úr lyftunni, litum yfir ganginn og tókum eftir því að ENGINN annar var í búningi. Við vorum ekki lengi að stökkva inn í stigaganginn og fela okkur þar. Þetta er svo típískt. Þeir sem svo sögðust vera í búningi voru kannski með tagl í hárinu, bleikt hálsmen eða eitthvað álíka "flippað". Við létum okkur þó hafa þetta, gengum að barnum og fengum okkur nokkuð sterka drykki. Við litum þó út eins og þrjár vændiskonur á barnum. Þetta evrópska fólk er svo hrætt við smá flipp að það er ótrúlegt.

(það sést illa á myndinni en það var playboy kanína á glerinu..)

Nú er kominn vetrartími!

2007-10-28T07:35:00.000-07:00

Ég er búin að bíða með óþreyju eftir vetrartímanum í Evrópu. Tímabreytingarnar sem ég upplifi þegar ég ferðast fara með mig og það tekur mig alltaf of langan tíma að venjast þeim. Til dæmis alltaf þegar ég fer út á fundi þá þarf ég að vakna kl.6 eða 7 á íslenskum tíma, sem er fáránlegt. Svo tekst mér loksins að aðlagast en það fer allt í klúður aftur þegar ég kem heim. Þá þarf ég að venjast íslenskum tíma og um leið og mér tekst það, þá er ég farin út aftur.

Í nótt breyttist tíminn í Evrópu þannig að nú er einungis 1 klst munur á íslenskum tíma og central european time. Jess. Nú verður þetta vonandi minna vesen.

Það besta við þetta er það að ég er að fara á msn fund með gender equality committee kl.19.00 CET og þarf að undirbúa mig mikið fyrir fundinn. Áðan áttaði ég mig á því að það væri búið að breyta tímanum þannig að ég græddi heila klukkustund í undirbúning!! (Sem ég er að nýta í það að leika mér á facebook og blogga..)

Þegar ég bjó í Danmörku 2004 þá vorum við Karól, sambýliskona mín, alltaf með vöffluboð kl.16 á sunnudögum. Þá kom alltaf fjöldinn allur af fólki, sumir komu hvern sunnudag, aðrir komu af og til. Flestir komu allt of seint, nema Óskar sem mætti alltaf á slaginu 16. Einn sunnudag vorum við að leggja lokahönd á vöfflubaksturinn, búnar að setja kaffivélina á play og tilbúnar að opna fyrir fyrsta gestinum. En Óskar var hvergi sjáanlegur. Við fórum að óttast um hann. Á slaginu 17.00 mætir Óskar. Þá var búið að bæta einni klukkustund við þennan dag. Þetta fór alveg með Karól sem skyldi ekkert í þessu og hvernig fólk gæti leyft sér að bara bæta við klukkustund!! Þetta angraði hana allan daginn (og næstu daga) en það sem hún hafði mestar áhyggjur af var hvað yrði gert við sjónvarpsdagskránna. Hvort þau myndu bara bæta við tveimur Will & Grace?!?

ég vil líka vera súperkona

2007-10-27T15:16:00.001-07:00

Þessi súperkona hélt áfram að vera súperfab þrátt fyrir óeirðir og táragas í Tallin í vor.

Ég, Aili og Hrönn að taka hana til fyrirmyndar.

Tree huggers

2007-10-23T14:40:00.000-07:00

Í Lissabon stýrði ég workshoppi um Environmental Sustainability. Hrönn tók þátt í því og gerði herferð um hvernig ætti að minnka pappírsnotkun í Háskólum. Tilgangur herferðarinnar var að bjarga trjám. Hér erum við að faðma tré.

Lissabon

2007-10-23T09:30:00.000-07:00

Ég ætla að láta eins og það hafi aldrei verið Airwaves 2007. Mér þætti líka vænt um það ef fólk myndi leika þann leik með mér þegar það er í kringum mig. Ég komst sem sagt ekki.

Ég var í Lissabon á European Students' Convention...hljómar miklu leiðinlegra en Airwaves. En það var fínt. Fór með Sissu og Hrönn, sem voru fulltrúar Stúdentaráðs, en ég var fulltrúi ESU. Þar var mikið fundað og unnið og drukkið og dansað og synt í sjónum á ókristilegum tímum.

Ég lifi tvöföldu lífi. Annars vegar er ég Alma sem vinnur á Stúdentaráði, tala endalaust um femínisma, hvað það sé töff að vera single og hvað Röskva sé fab, á fullt af vinum sem keppast um að vera artí, indí og fab, og er mætt á Kaffibarinn hverja helgi í mis-annarlegu ástandi.

Hins vegar er ég Alma sem fer til útlanda í hverjum mánuði með sama fólkinu og hangi með þessu sama fólki í heila viku samfleytt. Ég er búin að komast að því að ég hitti þetta fólk oftar en vini mína og fjölskyldu. Nú var ég úti í eina viku og kom heim í nótt, ég fer til Malaga eftir þrjár vikur, Vilníus eftir mánuð og Bergen viku síðar. Alltaf að hitta sama fólkið. Fólkið sem ég greinilega eyði meiri tíma með en vinum og fjölskyldu. Nú er ég komin heim, en líður pínulítið eins og ég sé í smá pásu frá fólkinu, en mun hvort sem er hitta þau strax aftur. Þegar ég er úti þá gleymi ég því að ég eigi mér líf á lítilli eyju sem heitir Ísland.

Þegar ég er heima þá geri ég ekkert annað en að vera í Stúdentaráði og gef mér lítinn tíma í annað. Það þarf að bæta. Annars enda ég vinalaus og snauð.

Seinna lífið er að taka yfir hitt sem er ekki gott. Ég ætla því að byrja að ofsækja íslenska vini mína meira.

takk fyrir

CYPRUS

2007-10-07T11:19:00.001-07:00

að drekka kokteil í sandinum

Út um gluggann.

Ég og Caroline frá Noregi að fara út að borða með fimm karlrembum frá Bosníu, Króatíu og Kýpur. Svaka skemmtilegt.

Ég að halda ræðu um "mobility - where are we going?" fyrir ríkisstjórn Kýpur og aðra jakkafatakalla.

Maria frá Svíþjóð, ég, Caroline og Anita frá Lettlandi að borða hádegismat

Roberta frá Möltu, Gertie frá Belgíu og Stinna frá Danmörku

Διεθνής Δραστηριότητα

2007-10-04T06:29:00.000-07:00

Komin heim frá Kýpur. Fáránlega tönuð!!! Djók. En ég var samt í sjónvarpsviðtali við nokkrar sjónvarpsstöðvar á Kýpur og var döbbuð á grísku...sem er nokkuð töff. Reiprennandi í grísku eftir aðeins einn dag á Kýpur. Ég á mjög auðvelt með að læra tungumál af því að ég er sko tvítyngd...blah!

Í gær var aðalfundur Femínistafélags Háskóla Íslands, en ég er einn af 5 stofnendum félagsins. Þar var kosið í stjórn. Hana má sjá hér

yfir og út.

Kýpur

2007-09-28T05:50:00.000-07:00

Ég var kvefuð í fyrradag. Ég ákvað að kanna betur möguleika #9 í könnuninni hérna til hliðar og skella mér til Kýpur. Og viti menn! Ég er laus við kvefið. Ótrúlegt.

Fabjúlos!

2007-09-20T09:15:00.000-07:00

Loksins loksins loksins!!

Nú erum við hætt að bíða eftir því að hlutirnir breytist, og ætlum að gera eitthvað í málunum. Við höfum því stofnað þetta ágæta félag, sem verður formlega stofnað á morgun.

Félagið hefur eignast heimasíðu: www.femstudent.blogspot.com. Kíktu á síðuna og kynntu þér hugmyndir félagsins.

Krúttkynslóðin

2007-09-19T14:48:00.001-07:00

krútt dagsins eru Vala og Björg

Kvef eða ekki? eða hvað?

2007-09-19T11:07:00.000-07:00

Það eru allir að detta í flensuna þessa dagana. "Hvernig losna ég við þetta kvef?", hugsa margir. Ég hef ákveðið að kanna þetta mál, og hjálpa stúdentum að finna lausn á þessum vanda. En það er einmitt það sem ég geri, hjálpa stúdentum. Það er því mjög mikilvægt að þú svarir þessari könnun hér til hliðar.

mega stelpur

2007-09-17T15:49:00.001-07:00

Það er svo töff að vera Valsari í dag (eða bara alltaf..). Valsstelpurnar voru að rústa KR-ingum í kvöld og eru því Íslandsmeistarar.

Einhverra hluta vegna hef ég alltaf tengt KR við Sjálfstæðisflokkinn. Veit ekki af hverju, finnst þetta bara vera sömu djöflarnir.

Mér hefur samt aftur á móti aldrei líkað neitt sérstaklega vel við Valsmerkið. Það er frekar vonlaus Sjálfstæðisflokksblær yfir því. Þetta gæti verið kapítalískur fálki með heiminn í blóðugum klónum, og svo er einhver hrikalegur þjóðernisrembingur í bakgrunni. Ég hata þjóðernishyggju. Ég hata fálka með blóðugar klær. Og ég hata mest kapítalisma.

Ég elska samt Val.....því ef maður skoðar merkið betur þá er þetta enginn fálkadjöfull. Þetta er bara lítill, hress valur að leika sér í körfubolta. Svo er roði Röskvusólarinnar í bakgrunni...

Nýnemapartí og sleik breaker Bjargar

2007-09-14T07:29:00.000-07:00

Skrifstofan er að hellast upp í einhverri flensu. Ég og Lín-krúttið Björg erum búnar að skiptast á því að liggja í rúminu og hnerra.

Í kvöld er nýnemapartí Röskvu á Hressó sem er náttúrulega bara aðeins of Fab&Dandy. Það byrjar kl.21 og er bjór í boði...sem er frekar næsss.

Björg var að mæta á skrifstofuna, eftir langt stopp í Lyfju, með fullan poka af kraftaverkalyfjum svo við getum nú verið fresh og kúl í partíinu í kvöld.

Ókei, ég samþykkti sólhattsdropana og vítamínin, en almáttugur.... Manneskjan keypti eitthvað viðbjóðslegt hvítlaukssprey sem maður á að spreyja á sig! Svo við séum fresh og kúl í kvöld!?! (og svo við verðum ekki bitnar af vampírum eða hot gaurum). Nei takk.

...Talandi um sleik breaker...

Löngu seinna sömu nótt...

2007-08-23T05:40:00.000-07:00

Jess Sölvi er kominn!!!

2007-08-22T16:53:00.000-07:00

Sölvi var að leika sér á netinu, skoða hinar og þessar bloggsíður, og ráfaði inn á mína. Þá gat hann ekki annað en kennt í brjósti um litlu stúlkuna með strætókortin, og ákvað að koma!!

Það er líka miklu skemmtilegra núna:

Það er greinilega gúrkutíð á blogginu mínu.

Ein ég sit og raða strætókortum

2007-08-22T14:29:00.000-07:00

Einn kassi búinn.
Átján kassar eftir.

Bú hú

2007-08-22T11:41:00.000-07:00

Strætókortin fyrir stúdenta Háskóla Íslands eru komin í hús. Þau eru 9000 talsins og EKKI Í STAFRÓFSRÖÐ!!!

Ég verð því hér á Stúdentaráði ein og yfirgefin að búa til einhvers konar system svo stúdentar geti fengið kortin sín í fyrramálið.

Ef einhver er áhugasamur um nöfn og tölur og einstaklega góðhjartaður, þá má sá hinn sami koma og hjálpa mér. Síminn hjá mér er 662-0066.

Færeyjar

2007-08-21T16:38:00.000-07:00

Me me

2007-08-19T15:06:00.000-07:00

Jæja.

Þá er ég komin aftur til Vestmanna eftir þrusu gay helgi í Tórshavn. Gangan gekk bara rosa vel, 120 manns mættu, og aðeins fleiri til að hlusta á ræður. Engin mótmæli gegn göngunni, ekki einu sinni í blöðunum.

Nú er ég komin til Vestmanna aftur, að hanga með me me, henda laufblöðum í lækinn og sjá þau koma með straumnum hinu megin við brúnna.

Sumarpróf á fimmtudaginn, ullabjakk.

myndir seinna.

bæbæ.

Færeyjar

2007-08-16T10:13:00.000-07:00

Gellan er stödd í Færeyjum. Mér var boðið að koma á færeyska Gay Pride fyrir hönd Stúdentaráðs og taka þátt í pallborðsumræðum með fulltrúum frá öðrum stúdentahreyfingum. Stuð stuð.

Þar sem það er bara flogið 3x í viku á milli Færeyja og Íslands, þá þurfti ég að koma í gær (miðvikudag) og kem ekki aftur fyrr en á þriðjudaginn. Nú er ég að tjilla í Vestmanna hjá systkinum pabba í familíuhúsinu góða við lækinn (sjá mynd), að reyna að læra undir sumarprófið sem ég er að fara í eftir viku...ojojoj.

Ég er samt BARA búin að tala færeysku síðan ég kom, og verð að segja að ég er bara helvíti góð í færeyskunni!!

Þetta Gay Pride verður ekki eins vinsælt og í Reykjavík, það er nokkuð ljóst. En ég vona að það verði samt stuð.

Akkúrat núna var verið að fjalla um þetta í útvarpinu. Formaður ANSO (association of nordic lgbtq students), Ásta Ósk, var að segja frá þessu. Þar var m.a. annars sagt frá því að fulltrúar stúdenta frá Íslandi, Svíþjóð og Grænlandi væru komin til að tala um hvað stúdentar geti gert til að sporna við fordómum. FAB.

úffffff er ekki alveg viss um að ég geti gert mig skiljanlega um þessi málefni á færeysku.....

.......ææææ ég leik mér bara við Pidda lúdda.

Gay Pride

2007-08-14T05:36:00.001-07:00

Stúdentaráð Háskóla Íslands (félagshyggjuarmurinn) og Landssamband æskulýðsfélaga voru mega töff í Gay Pride á Laugardaginn! Húrra húrra!

Uppboði lokið. Og hana nú.

2007-08-13T10:58:00.000-07:00

Nú er mánudagur og klukkan er 18.00 sem þýðir að það eru 100 klukkustundir frá því að klukkan var 14.00 á fimmtudaginn...sem svo þýðir það að uppboðinu er lokið!!

Hæsti bjóðandi var Jón Örn, en hann bauð 521 krónu. one two three SOLD for 521 krona's.

....Það er samt smá vandamál. Ég hef ritið ekki lengur í fórum mínum. Höfundur ritsins rændi því, í stað þess að bjóða bara í það eins og annað alþýðufólk. Samningaviðræður standa yfir á milli mín og vitleysingsins Brissó, en hún hyggst afhenda mér það aftur eftir tvo daga. Sjáum hvað setur.

Þetta er leiðinlegt mál. Sérstaklega í ljósi þess að ágóðinn átti að renna þrískiptur til þeirra sem hefur gengið með afburðum illa í skóla lífsins, hérlendis sem og erlendis.

Eðalkúkadrasl

2007-08-13T05:22:00.000-07:00

Í gærkvöldi braust einhver inn á skrifstofu Stúdentaráðs Háskóla Íslands og rændi frumeintaki Reykvísks eðalefnis 5 sem ég er búin að setja á uppboð!!!

Í dag fékk ég senda mynd í pósti af þjófinum með eintakið og hefur þjófurinn krafist þess að fá 62% þess fés sem hefur verið boðið í uppboðinu.

ég þykist þekkja þessi þjófsaugu!!

Þetta er LágkúruBrissó! Að stela eigin riti. Fussum svei. Mér er alveg sama um þetta Eðalkúkadrasl. Það er hvort sem er svo fáránlega steikt að það mætti halda að höfundurinn væri freðinn. Litli frændi minn gæti gert þetta betur!!

ull á þig Brissó!

Uppboð Uppboð Uppboð

2007-08-09T06:16:00.000-07:00

Ég hef hér í vörslu minni stórmerkilegan hlut sem ég veit að ófáir safnararnir væru til í að eignast. Þetta er ekki ómerkilegra en svo, að menn á borð við Einar Má Guðmundsson, Hermann Stefánsson, Sölva Blöndal og Hauk Má Helgason, væru til í að vingast við þig og spila með þér sundbolta ef þú ættir þessa gersemi. Þeir hafa opinberlega lýst yfir miklum áhuga á umræddum hlut. Þetta er ekkert annað en..............................FRUMÚTGÁFAN AF REYKVÍSKU EÐALEFNI 5 EFTIR BRISSÓ B. JÓHANNSSON!!!!!!!

Í óeigingirni minni hef ég ákveðið að selja þessa frumútgáfu á uppboði á bloggsíðu minni sem mun hefjast þann 9.ágúst kl.14.00 og standa yfir í nákvæmlega 100 stundir. Byrjunarverð er 100kr. Þeir sem bjóða fyrir umræddan byrjunartíma eru úr leik.

Hér eru myndir af gripnum:

Takið eftir því hversu meistaralega Reykvískt eðalefni er unnið. Myndirnar liggja hálf lausar á blaðinu og hefur verið raðað af mikilli kostgæfni. Margir hafa einnig velt því fyrir sér hvernig höfundurinn, Brissó B. Johannsson, hefur tekist að framkalla svona stórkostlega kontrasta í svart hvítu og með ljósritunarvél einni saman. Fæstum hefði dottið í hug að það gerði hún með því að skreyta nokkur svæði blaðsins með skærappelsínugulum yfirstrikunarpenna. Þessi aðferð í svart hvítri ljósritun er enn ókunn almenningi. Í framtíðinni munu atvinnuljósritarar nota þetta eintak sem dæmi. Það væri EKKI amalegt að EIGA það eintak.

Svo má ekki horfa framhjá því hversu mikið höfundurinn sjálfur hefur handfjatlað þetta merka frumrit. Hún hefur káfað og káfað og káfað á því. Þú VERÐUR að eignast káfað eintak Brissóar.

Koma svo!
einn tveir og reddí gó....kl.14.00!

Velkomin á hamingjuslóðir!

2007-08-07T07:56:00.000-07:00

Mikið líður mér vel að skrifa færslu á þetta saklausa blogg. Þetta blogg sem á ekki við sálræn vandamál að stríða vegna mikilmennskubrjálæðis íslenskra karlremba. Þetta himneska blogg hefur legið í dvala á meðan bloggstríð landsins hafa geisað en hefur nú öðlast litríka vængi og mun fljúga meðal dægurflugnanna...

Bla bla bla.
flott flott.

Absolut autokühl er absolut autokühl und ganz total hip bloggsíða. Hér munu hlutirnir gerast.

ps. Nafn síðunnar er að finna í texta lagsins "fette fette scheisse" eftir Ölmu Joensen og Orra Jökulsson.

Nýtt blogg

2006-08-15T09:17:00.000-07:00

ég hef fengið nóg af blogspot, nóg nóg nóg nóg nóg!!!!! Þeir týna færslunum mínum og oft leyfa mér ekki að blogga. Vondu kallar.

og á ensku svo skilaboðin komist til skila til réttra aðila:
I've had enough you blogspotters, Enough enough enough enough enough!!!!!

nú skipti ég við íslenska aðila (vegna þess að það er hægt að hringja í þá og kvarta ef eitthvað gerist) og blogga nú á www.almapalma.blog.is ..

It's going to be fabulous!!

...

2006-08-07T14:48:00.000-07:00

það verður ekki mikið að gerast á þessari bloggsíðu fyrr en ég er búin að kaupa nýja tölvu. Sorrí kids.

4th of July

2006-07-04T14:07:00.000-07:00

Í vetur hélt ég fyrirlestur um Hvíta húsið og ríkisstjórn USA ásamt nokkrum duglegum stúlkum í stjórnmálafræðinni. Þessi paint mynd var mitt framlag. Mikil vinna. Þrátt fyrir að hafa afskaplega takmarkað álit á Bandarískri ríkisstjórn og kallinum í Hvíta húsinu, þá ætla ég samt að birta þessa fínu mynd í tilefni dagsins. Enda hef ég ótakmarkað álit á eigin paint hæfileikum.

gellan orðin double-two??

2006-06-20T09:22:00.000-07:00

Í dag varð ég dobbúl-tveggja ára, eða tventítú eins og Kanarnir segja. Þegar ég var lítil þá hélt ég að Kanar væru íbúar Kanada. En nú veit ég betur, enda orðin double-two.

Afmælisdeginum eyði ég í Eymundsson, sem er nú boring miðað við það sem maður gerði á afmælisdaginn í den. Ég áttaði mig á því þegar ég rankaði fyrst við mér í morgun, að nú væri ekki aftur snúið. Frá því að tvítugsafmælið var liðið er ekkert merkilegt að eiga afmæli. Ég áttaði mig á því í morgun vegna þess að ég sofnaði aftur eftir að ég rankaði við mér og snúsaði allavega þrisvar. Fyrir 10 árum heyrðist "bling" í augunum á mér um leið og ég rankaði við mér.

Halla Stína er búin að syngja afmælissönginn tvisvar í dag og Sólveig sendi mér póst frá Ammríkunni. Hún orti líka um mig fallegt ljóð sem hljóðar svona:

Alma er eins og pandabjörn,
fáránlega stílfærð.
Alma er eins og flórsykur,
ógeðslega sæt.

Takk fyrir ljóðið Sólveig mín, og takk fyrir kveðjurnar elsku vinir.

Misrétti

2006-06-19T05:58:00.000-07:00

Hvernig í ósköpunum stendur á því að meirihlutinn í Borgarstjórn Reykjavíkur gat leyft sér það að skipa aðeins 10 konur í nefndarsæti, sem eru alls 32?? Konur eru í minna en þriðjungi sæta! Hættir fólk bara að hugsa þegar það kemst til valda? Þetta lítur svo hrikalega illa út fyrir sjálfstæðisflokk og framsóknarflokk (þeir fá ekki stóra upphafsstafi í dag), sem hafa alls ekki staðið vel að þessu hingað til og hafa núna sýnt það í verki að þeir eru ekki flokkar sem vilja höfða til kvenna. Samt vinnur sjálfstæðisflokkurinn alltaf, og hvað segir það okkur um kjósendur? Það er 19.júní í dag. Til hamingju með kosningaréttinn konur!! Ég vona að þið skiljið mikilvægi hans og nýtið atkvæði ykkar vel í komandi alþingiskosningum.

Ó Júlía!!

2006-06-12T12:28:00.000-07:00

Ég nenni ekki að blogga í tölvunni heima. Mér finnst bara gaman að blogga á fartölvuna mína, sem er bara horfin greyið. Vona að nýi eigandinn (sem á náttúrulega ekkert í henni) sé að fara vel með hana. Hún heitir Júlía. Hvað heitir þín?

skamm skamm!!

2006-05-23T08:35:00.000-07:00

Í gær var ég að vinna og svo fór ég á stúdentaráðsfund og svo í bíó. Þegar ég kom heim þá uppgötvaði ég að það var búið að brjótast inn í herbergið mitt og stela elsku litlu sætu fartölvunni minni og myndavélinni minni :(
Það sem er mest krípí er að eitthvað ógeð var inni í herberginu mínu, í kringum saklausu eyrnalokkana mína og tók tölvuna mína fyrir framan litríku fötin mín. Þú ættir að skammast þín herra þjófur!!!

Jessörí

2006-05-12T18:17:00.000-07:00

Jæja..

Nú á ég að vera að læra. Enda próf í aðferðafræði/tölfræði eftir 7 og hálfan tíma í KR-heimilinu. Ég er bara orðin svo spennt að klára prófin. Ég get ekki lært af tilhugsuninni um það að eftir sirka 10 tíma verð ég frjáls sem fuglinn. Flýg út í sumarið frjáls, enda engum böndum bundin. Aðeins böndum vina minna, snúsnú-böndum og myndböndum.."myndböndum??" Nei djók ég meina Dí Ví Dí! Þetta er fyrsta sumarið síðan 2003, sem Alman er laus og liðug, söd og single, süss und enkel, fítt og ikki forlovuð, guapa y una...jæja kann ekki fleiri framandi tungumál (varla þessi).
Á morgun verður grill, trampólín og Hjaltalín í boði x-bé, nei ég meina Atla bé. Þá verður margur kosmópólítaninn drukkinn og er planið að klæðast öllum litum veraldar, og fagna komu sólar, blóma, sólblóma, blómakjóla og kjólasóla...(ég veit að það er ekki til, en bara svona til að halda mynstrinu áfram og tengja lokaorð við upphaf, og af því að á þessari síðu ræð ég).

sweet sixteen

2006-05-09T13:56:00.000-07:00

Ég get ekki ákveðið mig hvort mér finnist skemmtilegra, sumar eða vetur.. Maður veit ekki. Mér finnst samt alltaf voðalega gaman þegar sumarið gengur í garð, en mér þykir líka voðalega gaman þegar veturinn gengur í garð. Þegar haustar byrjar skólinn, mér hefur alltaf þótt svo gaman að byrja í skólanum, og svo eru jólin að vetri til. Og ég elska jólin. Á sumrin aftur á móti er betra veður og þá get ég verið í litríkum fötum. Svo á ég líka afmæli á sumrin.

En á sumrin er ég að vinna og ég fæ svo fljótt ógeð af því að vinna. Ég þoli ekki svona rútínur. Mér finnst svo gaman að vakna á morgnanna þegar dagurinn er óráðinn, fyrir utan kannski einn tvo tíma í skólanum og einn fund. Ég mun aldrei geta verið í svona 8-16 vinnu í framtíðinni.

Samt eins og mér líður í dag, þá er ég óskaplega glöð yfir því að það sé að koma sumar. Þá get ég verið í öllum litríku fötunum mínum og í pilsum og sandölum og með sólgleraugu og blóm í hárinu..! En..ég þarf að vinna næstu þrjá mánuði..ohhhh.

Að vísu hef ég aldrei hlakkað jafn lítið til að eiga afmæli, nú fyrir utan alla pakkana. Einu sinni var gaman að eldast, af því að þá mátti maður alltaf meira og meira og takmarkinu var aldrei náð, maður þurfti alltaf að vera ári eldri og svo ári eldri og svo ári eldri..! Nú er ég að verða 22 sem er hundgamalt. Ég er ekki nógu sátt með þetta. Mikið væri ég til í að vera 18 aftur....

NEI

2006-04-26T19:34:00.000-07:00

NEI nú er mér allri lokið!! Vegna framkvæmda á háskólasvæðinu færast einhver próf yfir í KR-heimilið...og viti menn! Haldiði ekki að gellan sé að fara í ÖLL prófin sín í fokking KR-heimilinu!!! Þetta er ótrúlegt. Ég veit ekki hvað ég á að gera. Ég verð greinilega að skrópa í öll prófin og fara í sjúkrapróf í sumar, það þýðir ekkert annað. Ég meina ég á aldrei eftir að vinna traust Hlíðanna aftur ef ég fer inn í KR-heimilið! Er að spá í að fara upp í Valsheimili og biðja þá um vottorð þess hljóðandi að ég sé valsari og geti því miður ekki tekið þessi próf, ekki við þessar aðstæður.

ps.Ég var ekki svona mikill Valsari fyrr en ég 'giftist' inn í KR fjölskyldu, stick to your roots skilurru!!

in looooooooove

2006-04-22T18:56:00.000-07:00

Ég fór á færeyskt tónleikafestival á Nasa í kvöld. Hljómsveitirnar voru svona misgóðar og misjafnlega professional á sviðinu en kvöldið átti stjarnan Högni Lisberg. Og gvuuuð minn almáttugur. Já ég er ástfangin af honum. Ég ætla að flytja til Færeyja, fá mér vinnu í fiski, með það eitt að markmiði að næla mér í hann. Er meira að segja búin að leita að honum á myspace en án árangurs. Típískt að hann sé frændi minn...æ mér er alveg sama, ég ætla samt að giftast honum.

Fjallkonan fríð

2006-04-10T17:57:00.000-07:00

,,Þessi kona hafði mikið hár gult, blá augu og fjallkonusvip einsog þá var í tísku, vel farin í andliti með eitt þessara nefja sem stundum eru í dönskum rómönum kölluð grísk, en ívið kroppfeitari en góðu hófu gegndi.." (Brekkukotsannáll:153)

Það er alveg stórmerkilegt hvað hann Halldór Laxness var góður í persónulýsingunum. En mig fýsir að vita hvernig þessi fjallkonusvipur lítur út? Ég meina ætli hann sé í tísku núna? Tískan flögrar nefnilega í hringi. Ég meina er hann ljúfur, beittur, ákveðinn, sorglegur eða kannski bara frekar silly? Það er spurning. Ætli ég sé ein af þeim sem er með svona fjallkonusvip. "Sástu fjallkonusvipinn á þessari??".. Geta strákar verið með fjallkonusvip eða er það bara gay? Er þá kvenlegur svipur fjallkonusvipur?

Æ ég vona að fjallkonusvipurinn sé ekki svona bjútíkvínbros! Þá getum við bara gleymt þessu!

Já..þetta er athyglisverður svipur. Soldið bold and the beautiful en um leið ekki bjútífúl. Mér líst ekkert á þennan.

Já nei nei, þessi fjallkona er barasta SILLÍ og hananú, hún ætti að skammast sín þessi!!

NEI KENT!!! Kent and the Fjallkona! Það er aldeilis! Ohh hann Kent er svo góður gaur! Þessa fann ég á google. (Kent er ljósritari í MH og Kanadískur en kominn af vestur-íslendingum). Mér líst eiginlega best á þessa mynd. Mér finnst Kent bera svip fjallkonu með prýði.

Mér þætti gaman að vita, eða kannski alls ekki gaman að vita, hvernig Halldór Laxness myndi lýsa mér eða öðrum í kringum mig. Það væri ekki amalegt að hafa fjallkonusvipinn (hvernig sem hann svo sem lítur út), eða hljóma álíka töff og Jón Hreggviðsson.

?

2006-04-07T09:19:00.000-07:00

Hversu róttækur þarf maður að vera til þess að flokkast sem aðgerðasinni??

summerlovin'

2006-04-02T10:46:00.000-07:00

Nú er mánuður í próf. Meira ruglið. Ég er alls ekki nógu sátt með sjálfa mig hvað varðar lærdóm. Ég vil samt kenna internetinu, sjónvarpinu og tónlistinni um það. Myspace er ekki beint að þrýsta undir aukinn metnað og einbeitningu í námi. Og hvað þá msn. Maður er aldrei jafn mikið á msn eins og þegar maður er að þykjast vera að læra.

Það sem pirrar mig mest er það að hjá þessari blessuðu vinnumiðlun ungs fólks er umsóknarfrestur til 20.apríl. Sem þýðir það að ég fæ ekki að vita hvort ég sé komin með vinnu fyrr en þá. Það er ekki beint besti tíminn að fá fregnir um skort á sumarstarfi, tíu dögum fyrir próf. Ef einhver sem les þetta blogg, er í nánu vinasambandi við Herra eða Frú Smíðavellir ÍTR þá endilega leggðu inn gott orð. Ég er snillingur í húsasmíði, kann að teikna hús í fullkomnum fjarvíddum, mála litrík blóm á kofana og við gleymum því ekki að ég ætlaði nú að verða arkitekt. Ef þú getur komið inn góðu orði einhvers staðar, þá væri það gegt!!

Æ þetta er frekar vonlaust keis (ömurleg sletta ég veit) þessi vinnuleit. Það eru víst 30 stöður í boði hjá Tónabæ og um 150 umsækjendur. Sjúúúúúúúre. Ég bara nenni ekki að hanga inni í bókabúð í allt sumar. Ég er hvítari en hvíta húsið og þarf að geta verið úti í sumar með blóm í hárinu, litríka eyrnalokka og í sumarkjólum. Ég er sumarstelpa, blómarós sem fæddist í júní. Ég þarf að vera í sólinni annars dofna ég smátt og smátt...EN við skulum nú samt aðeins draga úr þessu "Alma sumarbarn" og muna það að ég er með alveg fáránlega mikið gróðurofnæmi og bara almennt ofnæmi fyrir sumarloftinu. Augun mín verða eldrauð í allt sumar..

dómsdagur nálgast

2006-03-26T12:44:00.000-08:00

Jesúss það er bara allt að gerast í heiminum í dag. Það er bara allt að farast! WW3 er komið á góða leið og snýst allt um tjáningarfrelsi, trúfrelsi og einn mannasna sem ætti að kæra til mannréttindadómstóls.

Það ætti kannski líka að kæra mig til mannréttindadómstóls fyrir að vera ofurölvi á föstudaginn og kvenkyninu til ósóma.

En stóra spurningin er: Geturu ekki reddað mér vinnu í sumar??? Ég er með fáránlega flott CW..

Raunir unga Færeyingsins

2006-03-20T10:54:00.000-08:00

ég sver það ég mun líða fyrir það ALLA ÆVI að hafa búið í Köben í sex mánuði, frá ágúst 2004 til janúar 2005. Þetta er nú meira helvítis ruglið!!

Ég var sem sagt að gera þetta skattframtalsógeð áðan. Í fyrra lenti ég í þvílíku veseni. Veflykillinn virkaði ekki þannig að míns fór að hitta skatman til að fá nýtt. Þá var maður barasta sendur í nýbúaröðina þar sem ég stóð og beið ásamt öllum starfsmönnum Kárahnjúkavirkjunar. Og auðvitað fékk ég engan veflykil af því að ég týnist alltaf í kerfinu. En ég skyldi nú fá lykil að ári, vei!!

Núna fékk ég lykil og allt gott og blessað. Svo ætlar míns að tékka á útreikningum, hvað ég fæ til baka frá skattinum í ágúst en nei..."þeir sem ekki geta fengið útreikning eru framteljendur sem ekki áttu lögheimili á Íslandi allt árið 2005"..sko við erum að tala um 2 vikur í janúar!!!

Þegar ég verð orðin 30 ára mun pottþétt koma upp "þeir sem voru ekki með lögheimili á Íslandi í janúar fyrir 9 árum verða að útsauma skattframtalið sitt í flauel"...

Plús það að ég hafði enga sjúkratryggingu fyrr en í september...

Það er greinilega ekkert erfiðara en að vera Færeyingur á Íslandi! Þetta er nú meira hottintottalandið! Mér væri bara hollast að halda mér heima hjá mér í Duty-free landi og halda áfram að vera Dútífrísk!

Kveðja,
ein í vanda

Skattstjórinn í Reykjavík

óður til 18.mars 2006

2006-03-18T04:46:00.000-08:00

Brátt er herinn farinn,

í dag er Míló grafinn.

Í gær var ég ekki barin,

en er undarlega marin.

OMG!!!

2006-03-09T06:30:00.000-08:00

VIÐ MUNUM ÖLL DEYJA!!

Fulltrúi ARLANDA AIRPORT í Svíþjóð hefur staðfest eftirfarandi upplýsingar:
Í dag lenti hjá þeim fyrsta flugvélin frá Tyrklandi, með staðfest fuglaflensusmit!

Ha ha ha!
En svona helt seriöst þá trúi ég ekki á þessa fuglaflensu. Ég held að þetta séu bara yfirvöld að stjórna með ótta og vinna sér inn traust þegna sinna. Það virkar best að stjórna með ótta. Svo eru lyfjafyrirtækin að stórgræða á þessu, fá styrki vegna rannsókna og þess háttar.. æ ég veit ekki.

En það lítur allavega út fyrir það að ég sé að fara að halda risastórt vídjópartí! Ég auglýsi síðar stað og stund!

orangemoccafrappuchino!!

2006-03-07T15:35:00.000-08:00

Mér finnst Ben Stiller og Owen Wilson vera fyndnustu menn í heimi! Ég má helst ekki sjá Owen Wilson á mynd eða í sjónvarpinu án þess að hlæja. Og ég verð að segja eins og er, að þegar Ben Stiller mætti á sviðið til að kynna verðlaunin fyrir "best visual effects" þá hélt ég að ég myndi deyja. En svona er ég bara. Hver er geim í smá vídjókvöld með mér? Horfa á Zoolander, Starsky and Hutch og Royal Tenenbaums allar í einu lagi?? Bara skildu eftir nafn og símanúmer í kommentakerfinu mínu og ég mun kannski hafa samband!

ohh hann Owen er sooooo flippaður!!!!

Sprengidagur!

2006-02-28T04:33:00.000-08:00

Í dag er sprengidagur. Nú er upprunninn annar stórmerkilegur dagur fyrir íslensku þjóðina. Þessi er þó gjörsamlega laus við alla rómantík og því í raun andstæðan við Valentínusardag, og eins konar ýkt útgáfa af bolledag. Sprengidagur er svona meiri hnakkadagur en til dæmis bolledag. Í dag er gott að vera hnakkamella.

BOLLEDAG I DAG!!!!!

2006-02-26T16:27:00.000-08:00

I Island har vi BOLLEDAG, en gang om året!! Det er vores yndlingsdag! Alle vågner op og BOLLER hinanden, og råber imens "bolle bolle bolle"!*
*þessi brandari krefst þess að þú hafir einhvern smá klámorðaforða í dönsku.

Já ég er frekar hlynnt bolludegi. Þetta er mun frjálslyndari og beinskeittari dagur en til dæmis þessi asnalegi Valentínusardagur. Plús það, að það eru engar reglur um rómantík eða kröfur um samband og enginn þarf að eyða pening í rósir. Já, Íslendingar kunna þetta. Þannig að ef ykkur líst sérstaklega vel á einhvern, sem þið hafið kannski aldrei þorað að bjóða með ykkur heim, þá er dagurinn í dag tækifærið! Því það er nú bara bolledag einu sinni á ári...

Vændi

2006-02-24T07:12:00.000-08:00

Á alþingi í dag er mikið verið að fjalla um vændi og hvernig hegningarlögum ætti að vera háttað. Einn möguleiki, sem er afar raunhæfur, er sænska leiðin. Fyrir þá sem ekki þekkja sænsku leiðina, þá felur hún það í sér að kaupandinn sé sakhæfur en ekki seljandinn. Misjafnar skoðanir eru um þetta í starfshóp alþingis sem er að skoða þetta mál. Fulltrúar Vinstri grænna, Samfylkingarinnar og Framsóknar eru hlynntir sænsku leiðinni (enda félagshyggjufólk), en hinir fulltrúarnir telja þessa leið varasama.

OK, hvað er svona varasamt?? Gallinn á sænsku leiðinni er sá að vændið verður meira "underground", og skv. fulltrúum Sjálfstæðisflokksins og Frjálslyndra:

"Þá verður sönnunarbyrði þyngri, því kaupendur verða sakamenn með því að játa kaup á vændi, sem styrkir stöðu vændismiðlara og gerir þá ósnertanlegri. Erfitt er að fylgja banninu eftir, sem minnkar almenna virðingu fyrir lögum".

Vændismiðlarar?? Hvað er það? Eru það ekki ógeðslega, viðbjóðslegir menn sem græða pening á því að láta ungar stelpur sofa hjá mönnum og oftast nær halda þeim í sinni vörslu?? Þetta er ekki vændi, ÞETTA ER OFBELDI!

Mín skilgreining á vændi er sú að ungar stelpur eða konur sem eiga engra annarra kosta völ, selja líkama sinn. Þetta er félagslegt vandamál. Vændi er félagslegt vandamál. Sænska leiðin býður upp á það að frekar sé hægt að nálgast þessar stúlkur og veita þeim félagslega aðstoð. Þá eru stúlkurnar ekki sakhæfar og því frekar algengara að þær sjálfar, fjölskylda eða aðstandendur, bendi á þessar stúlkur og að þeim verði veitt aðstoð. Með þessu er hægt að minnka vændi, koma að stað forvörnum og vekja athygli á þessum vanda í samfélaginu.

Það þarf að sjálfsögðu líka að koma í veg fyrir þetta ofbeldi, með því að herða dóma í kynferðisbrotum. En hvað varðar vændi, í þeim skilningi að þetta sé félagslegt vandamál (sem það er), þá tel ég sænsku leiðina vera besta kostinn.

Hérna er skýrslan í heild sinni.

Ég lofa að næsta færsla verði í léttari kantinum, jafnvel nokkrir brandarar og paint-mynd...

Hlutir um mig sem þér er alveg sama um

2006-02-19T16:12:00.000-08:00

djöfull er ég sátt með það að fyrir meira en 20 árum hafi verið gerð mynd sem snerist út á það að maður einn gat ekki fengið vinnu fyrr en hann breytti sér í konu! Ég er að sjálfsögðu að tala um myndina Tootsie. Í dag er í gangi auglýsing VR þar sem kona breytir sér í mann til þess að fá launað sem skyldi, sem er því miður reyndin á vinnumarkaðnum í dag.

En allavega, ég hef oft verið klukkuð, en í dag var ég kukluð af honum Garðari.

Fjórar vinnur sem ég hef unnið
1. Unglingavinnan í Tónabæ
2. Meðhjálpari á Sjálfsbjargarheimilinu (oj barasta)
3. Fótboltaþjálfari lítilla barna í íþróttaskóla Fram.. (ok ég var ekki eini þjálfarinn sem betur fer, ég stillti aðallega upp keilum og litaði með stelpunum sem nenntu ekki að spila fótbolta)
4. Bóksali í Eymundsson í Kringlunni, og er það enn.

Fjórar bíómyndir sem ég gæti horft á aftur og aftur
1. Groundhog Day
2. Clueless
3. Wayne's world
4. Zoolander

Fjórir staðir sem ég hef búið á
1. Blönduhlíð 33
2. Bogahlíð 16
3. Gammel Kongevej 21a, Kbh
4. Öresundskollegiet J304, Amager

Fjórir sjónvarpsþættir sem ég fíla
1. The O.C....Caaaaaalifornia here I cooooome
2. Desperate Housewives
3. Alias (ok ekki í fyrstu, en ég meina Halla á fjórar seríur...)
4. Scrubs.. Zach bratt er hooooooooooooooooooooott

Fjórir staðir sem ég hef heimsótt í fríum
1. Föðurlandið Færeyjar
2. Berlín
3. Spánn
4. Austurríki

Fjórar síður sem ég skoða daglega
1. Ungfrualma.blogspot.com (..kommonn...að tékka á kommentunum..)
2. roskva.hi.is
3. mbl.is
4. hi.is

Matur sem ég fíla
1. margaríta á Devitos með nóg af hvítlauksolíu
2. kjúklingaréttur ala Alma
3. Pizzuloka á kochini's pizza (við hliðina á Moose í DK..namm)
4. Lakkrís lakkrís lakkrís lakkrís

Fjórar bækur sem ég hef lesið
1. Eyðimerkurblómið
2. Da vinci lykillin
3. Grafarþögn.......
....DJÓK!!! Ok einu sinni enn
1. Fávitinn
2. Sagan af Pí
3. Dauðinn og Mörgæsin (mæli með henni)
4. The Sunday Philosopher's Club

Fjórir staðir sem ég vildi heldur vera á núna
1. Á Páskaeyjunum
2. Í kongens have í sól og blíðu með frisbídisk, hakkísakkbolta, faxe guld og vini mína
3. Í rúminu með Jude Law
4. í Tokyo að syngja í karókí

Fjórir bloggarar sem ég kukla
1. Vesturfararnir Bryndís og Orri
2. Sóley sólarsjúka
3. Alli Bé (glætan að hann geri þetta)
4. Biggie biggie biggie can't you see...

ohh er ekki gaman að vita allt þetta um mig! Ég efa það ekki!!!!

It is a mystery..

2006-02-18T12:45:00.000-08:00

hvernig í ósköpunum getur færsla barasta horfið. Ég var mjög lengi að átta mig á þessu, fannst ekki alveg passa að ég hefði ekki bloggað í meira en tvær vikur...en þá er flotta færslan mín um færeyjaferðina bara gone. Sko almáttugur hver stendur á bak við þetta. Ég sver það, ég á ekki í neinum opinberum eða óopinberum útistöðum við Blogspotfélaga. Someone must be framing me. En þá vil ég bara opinberlega (á þessu líka opinbera og víðlesna bloggi) biðja blogspotgæjana um að hætta að stela færslunum mínum.
Stop stealing my posts I say!!!

4 - 4 - 1

2006-02-15T14:05:00.000-08:00

....nei, þetta er ekki leikplan í fótbolta.
Þetta er fjöldi sæta sem komust inn í stúdentaráð. Vaka fékk fjóra inn, Röskva fjóra og Háskólalistinn einn. Það munaði samt aðeins fjórum atkvæðum á því að við hefðum bara fengið 3 inn. Úff....þannig að ef þú kaust Röskvu, lesandi góður, þá skaltu vita að Röskva elskar þig.

Nú er lífið farið að snúast um lífið aftur. Ekki bara út á Röskvu. Það er soldið einmanalegt verð ég að segja.

Þorrablót og Færeyjar

2006-01-31T12:37:00.000-08:00

Síðustu dagar eru búnir að vera annasamir og tilfinnaþrungnir. Röskva tekur allan minn tíma. Allt snýst um Röskvu. Allt sem ég reyni að segja, kemur út úr mér í orðunum: röskvaröskvaröskva röskva, röskva?? Röskva!!

Á föstudaginn var Röskva með Þorrablót fyrir erlenda stúdenta á Stúdentakjallaranum. Það var bara mega fjör og endaði í miklu stuði. Svo miklu að þegar Kaffibarinn lokaði vorum við farin að dingla á bjölluna hjá kosningaskrifstofu Röskvu í Austurstræti. Sem betur fer svaraði enginn þannig að ég fór heim. Á þorrablótinu var spiluð þjóðlagatónlist og dýrindis veitingar á boðstólnum...djóóók...það var ógeðslegur þorramatur sem mér finnst ógeðslega ógeðslegur. Ég skil ekki af hverju fólk er að reyna að pína þetta ofan í sig. En það er bara mitt mál.

Gellan er bara að fara til færeyja á föstudaginn. Haldiði að það sé?? Ég veit að ég er í kosningabaráttu og allt þannig, enda þurfti ég að stytta ferðina mína. Það er ekki hægt að sleppa henni, gamli kallinn er að verða sextugur og ætlar að fagna því með stórum hópi frækna Færeyinga. Það er alltaf gaman að skella sér til Færeyja. Ég er farin að æfa mig í Færeyskunni. Þeir eru heppnir sem hitta mig á förnum vegi í vikunni, ég gæti jafnvel lumað á einni færeyskri línu. Já maður veit aldrei!

RöskviRöskviRöskv

2006-01-26T03:46:00.000-08:00

jæja bara komin á fullt skrið.
Gellan er mætt í framboð. Kemur á óvart ekki satt?
Að þessu sinni skipa ég 3.sæti á lista Röskvu til stúdentaráðs.
Ef þið hafið einhverjar spurningar..hvað Röskva ætlar að gera fyrir þig, hvað Röskva stendur fyrir eða hvaða afstöðu hún tekur í einstökum málefnum, þá bara 'bring it' því pían er með allt á hreinu.
Þessi skipa lista Röskvu til stúdentaráðs 2006.

Allavega þá var ég klukkuð fyrir löngu síðan og hef ekki staðið mig nógu vel.
Hér koma 10 hlutir sem þú vissir ekki um mig.

1.Ég æfði einu sinni körfubolta hjá Val. Ég veit að ég er lítil en ég er alveg ótrúlega snögg og lipur.
2.Ég var eitt sinn í Rokklingaskólanum. Ég var Rabbabararúna. Mér fannst þetta hrikalegt af því að ég var svo feimin, eins og sást á sviðsframkomu minni.
3.Ég safna bókum, skóm og eyrnalokkum.
4.Ég á alveg ótrúlega mikið af eyrnalokkum. Ef ég nota eyrnalokkana mína eftir sérstakri röð dag eftir dag þá nota ég hvert par 5 sinnum á ári.
5.Ég ákveð FYRST hvaða eyrnalokka ég ætla að nota í dag, og SÍÐAN vel ég mér föt í samræmi eyrnalokkana, flestir fara öfugt að.
6.Það má gjarnan finna grindarhval, hvalspik og skerpikjöt í frystinum heima hjá mér.
7.Ég er með ca. 30 marbletti í dag, og hef enga hugmynd hvernig eða hvenær þeir birtust.
8.Ég hef ekki lesið Da Vinci lykilinn.
9.Ég var einn af stofnendum FKMH (freestyle-klúbbur MH), og stóð mig hrikalega vel.
10.Ég var í rapphljómsveit sem hét Citizen Cru. One-hit-wonder band.

bóndadagur

2006-01-20T09:07:00.000-08:00

Í dag er bóndadagur. Því miður fattaði ég það ekki fyrr en Kobbi sagði mér það, sem er frekar bad. Ég reyndi að snúa út úr með því að segja að við værum ekki hjón, eða að maður þyrfti allavega að eiga eina belju og tvær kindur til þess að teljast til bónda. Konur geta líka verið bóndar!... En ég bauð honum bara uppá pítsu og held þá að ég sé sloppin.

Í kvöld er listkynning Röskvu á hverfisbarnum og eru allir háskólanemar hvattir til að láta sjá sig. Það verður spennandi að sjá hverjir sitja á lista Röskvu, og svo bara gaman að vera saman og svona, er þaggi?

jibbí

2006-01-19T11:01:00.000-08:00

Það eru spennandi tímar framundan. Fullbókuð helgi af gleði og fjöri, og mikil vinna.
Say no more.

Ég er alveg ótrúlega hress.
Ég er nefnilega hætt að vera rauð í augunum (er búin að vera eins og vampíra frá því um jólin).
Ný önn er hafin, ég er með hreinan skjöld.
Dísa kom heim fyrir jól og hún er bara ennþá hérna! Það er mjög hressandi.
Ég er búin að eignast fullt af nýjum vinum.

-Alma hress og kát, með 'ofnæmisfrí' augu og mjög sátt með nýja bloggið sitt -

nýja bloggsíðan mín

2006-01-18T08:47:00.000-08:00

þrátt fyrir þá staðreynd að blogspot.com hafi brugðist mér áður, þá held ég samt viðskiptum mínum við þá áfram. Blog.central.is er bara með svo staðlað og leiðinlegt útlit að enginn þekkir síðu frá síðu. Þetta útlit ætti að festast vel í minni. Ég ætla svona að sjá til hvað tekur langan tíma að fá ógeð af því, en þar til þá njóta litanna.